Бекзат Нұрдәулетов Қазақстан чемпионатында топ жарды

НҰР-СҰЛТАН. ҚазАқпарат – Шымкент қаласында бокстан Қазақстан чемпионатында тартысты жекпе-жектің бірі 81 кг салмақта маңғыстаулық Бекзат Нұрдәулет пен елордалық Нұрбек Оралбайдың арасында болды, деп хабарлайды ҚазАқпарат тілшісі.

Ұқсас жаңалықтар

Бокс: Ләззат Күнгейбай Сербиядағы турнирдің жеңімпазы атанды

Қазақстан боксшылар құрамасы Кубаға аттанып кетті Жеті қазақстандық боксшы «Ұлттар кубогі» турнирінің жартылай финалына шықты Қазақстандық жеті боксшы қыз Сербиядағы турнирдің жартылай финалына шықты

Б. Нұрдәулет 2019 жылғы әлем чемпионы болса, 20 жастағы қарсыласы да осал емес.

Н.Оралбай жастар арасындағы әлем біріншілігінде топ жарған еді.

Бұл бәсекеде бес төреші түгелдей жеңісті Бекзатқа берді.

Б.Нұрдәулет жекпе-жектен кейінгі сұхбатында елімізде жас боксшылардың қаулап өсіп келе жатқанын жеткізді.

57 кг салмақта тартысты жекпе-жекте павлодарлық Серік Теміржанов ақмолалық Оразбек Асылқұловты төрешілердің бірауыздан шешімімен жеңді.

60 кг салмақта финалда маңғыстаулық Саматәлі Төлтаев пен шығысқазақстандық Бекнұр Ожанов жұдырықтасты. Мұнда С.Төлтаевтың мерейі үстем болды.

Ерлер арасында финалдық жекпе-жектер одан әрі жалғасуда.

Еске сала кетейік, бұдан бұрын Назым Қызайбайдың Токио олимпиадасының жолдамасын жеңіп алғысы келетінін, әйелдер арасында барлық чемпиондар анықталғанын жазған болатынбыз.

Сондай-ақ 18 жастағы боксшы Азия чемпионын ұтып кетті.