09:27, 17 Сәуір 2019 | GMT +6
«Бекіре» акциясының барысында 250 заң бұзу әрекеті анықталды
АТЫРАУ. ҚазАқпарат - Жайық-Каспий бассейнінде жүргізілген «Бекіре» операциясының барысында табиғатты қорғау заңнамаларын бұзудың 250 әрекеті анықталды, деп хабарлайды ҚазАқпарат.
«Аумақтағы 250 бұзушылықтың 173-і Атырау облысында, 68-і Маңғыстау облысында және 9-ы БҚО-да анықталған. 191 адам әкімшілік жауапқа тартылды. 14 қылмыстық-жазаланатын әрекет тіркеліп, 2,3 млн теңге сомасында әкімшілік айыппұл салынды. Құқық бұзушылардан 8 тонна 811 келі балық тәркіленді. Оның ішінде 621 келісі бекіре тұқымдас балықтар және 3,2 келі қара уылдырық болған», - деп хабарлады Атырау аумақтық орман шаруашылығы және жануарлар әлемі инспекциясының ресми өкілі Олег Тушканов.
Еске салайық, браконьерлерден балықтарды қорғауға бағытталған «Бекіре» акциясы 1 сәуірде басталды.
Автор: А. Соколов