Батыс Қазақстандағы тариф айырмашылығы кредиторлық берешек туғызған

«Нарық субъектілері арасында берешектерді төлемеу және жинақтау бойынша сұрақтар бар, бұл энергия өндіруші ұйымдар тарапынан тұтынылған газ үшін төлеуге де әсер етеді. Тұтынушылардың топтары бойынша электр энергиясына арналған тарифтердің саралануына байланысты кепілдік беруші ретінде әрекет ететін энергиямен жабдықтаушы ұйымдардың жұмысында бірқатар мәселе туындап отыр. Осындай мәселелердің бірі – кепілдік беретін жеткізушілер мен реттелмейтін энергиямен жабдықтаушы ұйымдар арасындағы тариф айырмашылығы. Салдарынан тұтынушы заңды тұлғалар шағын энергиямен жабдықтаушы ұйымдарға кетіп жатыр», - дейді ведомство басшысы Үкімет отырысында.

Бұл жайт ақырында «Батысэнергоресурстар» ЖШС-нің кепіл беру құжаттары бойынша энергия өндіруші кәсіпорындар алдында 2 млрд теңгеден астам қарыз болып қалуына әкеп соққан.

«Осының кесірінен «Батысэнергоресурстар» жауапершілігі шектеулі серіктестігінің энергия өндіруші және энергия беруші ұйымдар алдындағы берешегі 2021 жылғы 1 мамыр жағдай бойынша 2 млрд 62 млн теңгені құрайды. Нарық субъектілері арасындағы жағдайды реттеу үшін Батыс Қазақстан облысының әкімдігіне мүдделі тараптармен берешекті өтеу кестесін жасай отырып, электр энергиясы нарығы субъектілері арасындағы берешекті азайту жөніндегі мәселені пысықтау қажет деп санаймыз», - деді Нұрлан Ноғаев.