Батыс Қазақстанда жүк көлігіне соғылған Toyota Camry жүргізушісі көз жұмды

None
None
ОРАЛ. ҚазАқпарат – Батыс Қазақстан облысында Toyota Camry жүк көлігімен соқтығысып, жүргізуші көз жұмды, деп хабарлайды ҚазАқпарат тілшісі.

    БҚО ТЖ департаментінің баспасөз қызметі мәлім еткеніндей, оқиға 18 қазан күні сағат 15.20 шамасында Ақжайық ауданында болды.

    «Атырау-Орал» жолының 239-шақырымында Алмалы ауылының тұсында Toyota Camry жеңіл көлігі DAF жүк көлігімен соқтығысты. №20 өрт сөндіру бекетінің күшімен жеңіл көлікке қыстырылып қалған 34 жастағы жүргізуші мен жолаушы шығарылды. Жүргізуші ауыр жарақаттан сол жерде қайтыс болды. Ал жолаушы Ақжайық аудандық орталық ауруханасына жедел жеткізілді.

    Қазіргі кезде оқиғаның жай-жапсары анықталу үстінде.


    Еске сала кетейік, бұдан бұрын Оралда екі автобус соқтығысып, 5 адамның жарақат алғанын жазған болатынбыз.



    Соңғы жаңалықтар