+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Батыс Қазақстанда мас күйінде суға түскен екі адам батып кетті

2021 жылғы 14 маусым 10:34
Бөлісіңіз:
Батыс Қазақстанда мас күйінде суға түскен екі адам батып кетті

ОРАЛ. ҚазАқпарат – Батыс Қазақстан облысында мас күйінде суға түскен екі адам батып кетті, деп хабарлайды ҚазАқпарат тілшісі.

Ұқсас жаңалықтар

БҚО ТЖ департаментінің баспасөз қызметі мәлім еткеніндей, бірінші оқиға 13 маусым күні кешкісін Бәйтерек ауданы Трекин ауылдық округі Жайық елді мекенінде болды.

«Сая» демалыс орнында 33 жастағы әйел суға түсіп, батып кеткен.

Куәлардың сөзіне қарағанда, отбасымен, достарымен серуендеген ол мас күйінде болған. Әйелдің денесі құтқарушылар келгенше, сағат 19.45-те судан шығарылған.

Тағы бір оқиға Орал қаласында болды. 14 маусым күні сағат 00.07-де 28 жастағы жігіт шомылуға жабдықталмаған жерден суға түсіп, батып кеткен. Ол да таныстарымен бірге арақ ішкен.

Марқұмның денесін жедел құтқару жасағының іздеу тобы сағат 02.25-те судан алып шықты.

Осымен Батыс Қазақстанда биыл 12 адам суға кетсе, соның үшеуі – балалар.

БҚО ТЖ департаменті суда қауіпсіздік ережесін ұмытпау керектігін тұрғындар есіне салады.

Еске сала кетейік, бұдан бұрын Оралда өзенге құлап кеткен екі баланың құтқарылғанын жазған болатынбыз.




Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT