+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Батыс Қазақстанда казан айында 1 мыңнан астам адам коронавирус жұқтырған

2021 жылғы 21 қазан 19:35
Бөлісіңіз:
Батыс Қазақстанда казан айында 1 мыңнан астам адам коронавирус жұқтырған

ОРАЛ. ҚазАқпарат - Батыс Қазақстан облысында қазан айында 1 018 адамнан коронавирус анықталды, деп хабарлайды ҚазАқпарат тілшісі.

Ұқсас жаңалықтар
Алматыда «қызыл» мәртебесі бар 24 адамға айыппұл салынды Батыс Қазақстанда соңғы айда 97 оқушы мен 19 мұғалімнен коронавирус анықталды Алматы облысында коронавируспен ауырған 23 адам жансақтау бөлімінде жатыр

БҚО санитарлық-эпидемиологиялық бақылау департаментінің баспасөз қызметінен түскен мәліметке қарағанда, соның 56 пайызы (566) ЖРВИ белгілерімен тексерілген.

Сондай-ақ 28 пайызы (288) бұрын ауырғандармен байланыста болған. 15 пайызы (154) профилактикалық мақсатта, 1 пайызы (10) стационарға жатқызар алдында сынама тапсырған.

Сырқаттанғандардың көпшілігі (279) - 41-60 жас аралығындағылар.

Жыл басынан бері барлығы 29 269 науқас тіркелсе, бұл 100 мың тұрғынға шаққанда, 4421,8-ден келеді.

Соңғы аптада (14-20 қазан) алдыңғымен (7-13 қазан) салыстырғанда, ауырғандар саны 12,6 пайызға (363-тен 317-ге) төмендеді.

Департамент мәліметі бойынша соңғы төрт күнде 153 адамнан індет табылды.

Пандемия басталғаннан бері тіркелген 38 490 науқастың 19 255-і Орал қаласының үлесіне тиеді.

Еске сала кетейік, бұдан бұрын БҚО-да 232 мыңнан астам адамның коронавирусқа қарсы екпе салдырғанын жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT