Батыс Қазақстан облысында жыл басынан 48 нәресте шетінеді
«Биыл облыста 48 нәрестенің өлімі тіркелді. Бұл өткен жылдың сәйкес кезеңімен салыстырғанда көп. Өлім деректерінің артуына бірнеше фактор әсер етіп отыр. Біз жүргізген зерттеулер нәтижесінде шетінеген шақалақтардың көбінде туа бітті дерттер болғаны анықталды. Ал медицина мамандары тарапынан кеткен қателіктер болса, біз оларды қатаң жазалаймыз. Қазіргі таңда тиісті министрлік әр оқиға бойынша жеке талдау, зерттеу жұмыстарын жүргізіп жатыр. Мойындау керек бізде медициналық құрылғылардың жетіспеушілігі байқалады. Бұл да бала мен ана өлімінің көбеюіне себеп болып отырған шығар»,- деді облыс әкімі.
Ғали Есқалиев өлім-жітім деңгейін төмендету үшін білікті дәрігерлер тарту және ауруханаларды медициналық құрылғылармен жабдықтау жүргізіліп жатқанын атап өтті. Ұлттық статистика бюросының мәліметіне сәйкес, былтыр БҚО-да 108 нәресте көз жұмған.