22:00, 04 Шілде 2020 | GMT +6
Батыс Қазақстан облысында аптап ыстық болады
ОРАЛ. ҚазАқпарат – Батыс Қазақстан облысында алдағы үш күнде қатты ыстық болады, деп хабарлайды ҚазАқпарат тілшісі.
«Қазгидромет» РМК БҚО филиалының мәліметіне қарағанда, 5-7 шілде күндері облыстың оңтүстігінде 40-42 градус ыстық болуы ықтимал.
Осыған байланысты БҚО ТЖ департаменті төтенше жағдайларды болдырмау мақсатында тиісті шаралардың алынып жатқандығын хабарлады.
Өңірде бірнеше күннен бері күн ысып тұр.
ТЖ департаменті күннің қатты ысуына байланысты өрт қаупінің де күшейіп отырғандығын жеткізді.
Еске сала кетейік, бұдан бұрын алдағы үш күн Атырау облысында 42 градусқа дейін аптап ыстық болатынын жазған едік.