+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Бас прокуратура ҚДТ заңсыз акцияларына қатысудан бас тартуға шақырды

2020 жылғы 21 ақпан 12:20
Бөлісіңіз:
Бас прокуратура ҚДТ заңсыз акцияларына қатысудан бас тартуға шақырды

НҰР-СҰЛТАН. ҚазАқпарат - Бас прокуратура бүгін «ҚДТ» экстремистік ұйымына қатысты арнайы брифинг өткізіп, ел тұрғындарына аталмыш ұйымның әрекеттерінен сақ болуға шақырды, деп хабарлайды ҚазАқпарат.

Ұқсас жаңалықтар
Қордай оқиғасы бойынша 25 адам ұсталды - Бас прокуратура Атырауда 8 әлеуметтік нысан құрылысында мүгедектердің жағдайы ескерілмеген Төлеби ауданының прокуроры жасөспірімдердің сауалдарына жауап берді

«Армысыздар, қадірлі отандастар!

Бүгінгі брифингте баршаңызды - қоғамымызға іріткі салып жүрген қандықол қылмыскердің әрекеттерінен сақ болуға шақырамыз.

Қазақстан демократиялық таңдауы қозғалысы экстремистік ұйым. Оны кім басқаратынын көпшілілік біле бермейді.

Жетекшісі - Мұхтар Әбілязов. Оның арбауына түскен кейбір азаматтар - өкінішке қарай, оған зор сенім артады.

Естеріңізге салайық, 90-шы жылдары ол бизнесте болып, кейін «KEGOС» ұлттық компаниясын және Энергетика министрлігін басқарған.

Көп ұзамай, ол - заңды белден басып ұры, жемқор, алаяқ және адам өлтіруші қылмыскерге айналды.

Энергетика министрі кезінде жемқорлық жасағаны үшін 2002-ші жылы 6 жылға бас бостандығынан айырылған.

Қылмысына өкініп, мемлекет басшысы мен халықтан кешірім сұрап, түзелуге уәде берген еді. Кешірілген соң, бостандыққа шығарылды.

Алайда, байлыққа құнығып, қылмыстық әрекеттерін әрі қарай жалғастырды.

2005-ші жылы өзінің бизнес серіктесі, БТА банктің төрағасы - Тәтішевті өлтіруді ұйымдастырғаны ашық сотта дәлелденді.

Қылмыскер Тоқмади- Тәтішевті аң аулау кезінде Әбілязовтың тапсырысымен өлтіріп, оны жазатайым оқиға ретінде көрсеткенін, ол үшін 4 млн АҚШ долларын алғанын мойындады.

Тәтішевті өлтірткен соң, Әбілязов банкты иеленіп, басқару жүйесіне өзінің сыбайластарын тағайындап, қылмыстық топ құрған.

Әбілязовтың қылмыстық, қитұрқы әрекеттері сан түрлі болған. Өзі құрған фирмаларға жалған құжаттар арқылы миллиардтаған несиелер беріп, жеке пайдасына жаратқан.

Мысалы, ол- өз бақылауындағы жарғылық капиталында небәрі 92 мың теңгесі болған «Рамбурс» серіктестігіне - 103 млрд теңге несие берген.

Ұрланған қаражаттарға Әбілязов акциялар, элиталы үйлер мен пәтерлерді сатып алған.

Отбасына 3 ұшақ сатып алып, олардың пайдаланылуына банктен жылына 1 млрд теңге жұмсап отырған.

Қылмыстары әшкереленген соң, ол 2009-шы жылы Ресейге, кейін Англияға, 2012 -ші жылы Францияға бас сауғалады.

Шетелде жайлы өмір сүру үшін, алдын- ала қаражатты оффшор арқылы елден шығарып алған.

Оффшор дегеніміз - шетелдік компанияларды ешкім тексермейтін, бақыламайтын, шынайы қожайындары белгісіз, салық төленбейтін, қылмыстық қаражаттарды жасыруға оңтайлы мемлекеттер.

Ол- оффшорлық мемлекеттерді пайдаланып 7,5 млрд АҚШ долларын жымқырған.

Әбілязовтың алаяқтық әрекеттерінен қазақстандықтар ғана емес, француздар, немістер, америкалықтар мен басқалар да зардап шегуде.

Миллиардтарды жымқырғаны үшін Ресей, Украина мемлекеттері оған іздеу жариялады.

Өткен жылы Нью-Йорк соты Әбілязовтың - саяси қудалаудамын -, деген уәжін теріске шығарып, оны айыпты деп таныды.

Лондонның Жоғарғы соты Әбілязовты - алаяқ деп танып, одан 4 млрд АҚШ долларын өндіруге, жалған жауап бергені үшін 22 айға бас бостандығынан айыруға үкім кескен.

Англия Ішкі істер министрлігі- оны босқын мәртебесінен айырған соң, ол Францияға қашып кеткен.

Сол жерде, ол, өзін- Қазақстан билігімен қудалауда жүрген саяси қайраткер кейпінде танытып, демократия үшін күресуші ретінде имидж қалыптастыра бастады.

Оның осы екіжүздігілігінің мақсаты бір- қылмыстық жауаптылықтан жалтару.

Айта кететін жәйт, 2017-ші жылы «Кешкі Бішкек» басылымына берген сұхбатында, Әбілязов- Қазақстанға су беруді тоқтатуды ұсынған. Осылайша, елдің оңтүстігін - құрғақшылықтан зардап шеккізуге ұмтылған.

Қазіргі таңда оған қатысты көптеген азаматтық процестер жүргізілуде.

Бүгінде 1 млрд АҚШ долларынан астам қаражат қайтарылды.

Қылмыстық істер бойынша 8 айыптау үкімі шығып, 42 адам сотталған.

Жымқырылған қаражатты қайтару мен оны жауапқа тарту үшін тиісті жұмыстар атқарылуда.

Құрметті отандастар!

Бүгінде Әбілязов- халық мүддесін желеу етіп, жалған ұранмен азаматтарды заңсыз акцияларға үгіттеуін жалғастырып келеді.

Ол сіздерді - қоғамда әлеуметтік алауыздық және ұлтаралық қақтығысты тудыру үшін пайдалануда. Оған бір-бірімізге деген сенімімізді жоғалтқанымыз тиімді.

Әбілязовтың көксегені- еліміздің тыныштығы, азаматтарымыздың амандығы емес, жеке басының мүддесі, мансабы. Ол қылмыстық жауаптылықтан құтылуды көздейді.

Бұрын өзі жымқырған Сіздердің қаражаттарыңызды митингке шыққандарға төлеуде.

Біз сіздерді арандатушылыққа бой алдырмауға, заңсыз акцияларға қатысудан бас тартуға шақырамыз.

Назарларыңызға рақмет!»,-делінген Бас прокуратураның хабарламасында.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT