+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

Банк картасын тонайтындардың тұзағына түсіп қалудан қалай сақтану керек

2019 жылғы 6 желтоқсан 14:04
Бөлісіңіз:
Банк картасын тонайтындардың тұзағына түсіп қалудан қалай сақтану керек

АЛМАТЫ. ҚазАқпарат – ҚР Ұлттық банкі Қаржылық қызметтерді тұтынушылардың құқығын қорғау департаментінің Fingramota жобасы банк картасын тонаушылардың тұзағына түспеу жолдарын көрсетті, деп хабарлайды ҚазАқпарат тілшісі.

Ұқсас жаңалықтар

Интернет алаяқтары көбінесе атақты интернет дүкендердің көшірме сайтында (фишинг) жүреді. Фишинг сайттарға кірген адамдар өз карталарының реквизиттерін қалдырады. Карта реквизиті арқылы интернет алаяқтар санаулы секундтарда шотыңызды бос қалдыруы мүмкін.

«Фишинг сайттардың тұзағына түсіп қалмау үшін тұтынушы интернетті қолдану, қорғау шаралары туралы аз да болсын ақпарат білуі керек. Интернет дүкен сайтының адресі http:// деп емес, https:// деп басталуы керек. Егер сайтта сіздің жеке мағлұматтарыңызды, төлем картасының CVV-кодын сұраса (картаның арғы бетіндегі 3 таңбалы сан) осы уақыттан-ақ сайтты жауып шығып кету керек», - деді хабарламада.

Кибералаяқтардың құрығына түсіп қалмаудың бірнеше қарапайым тәсілі бар. Еш жерде жеке мағлұматты көрсетпеу, сайттың безендірілуіне мән беру, адрес жолағында сілтеменің дұрыстығын тексеру, https желісін бақылау, күдікті хаттарды фильтрлеу, банк аккаунттарына кіру үшін ашық wi-fi қолданбау, жеке мағлұматты ешкімге жария етпеу керек.

Сонымен қатар, алаяқтар клиенттерге банк қызметкері сияқты хабарласып, төлем картасында ақау шыққанын, тез арада бұғатқа түсіру керек екенін айтады.

Сөйтіп карта иесінен картаның нөмірін, реквизиттерін біліп алады. Сосын ұялы телефонына код келген жағдайда айтып беруін өтінеді.

Кодты алған соң олар интернет банкингтегі нөмірді ауыстырып, шоттағы ақшаны алып кетеді.

«Бұл жағдайда бірден әңгімені тоқтатып, банктің желі орталығына хабарласу керек. Егер банктен ешкім хабарласпағаны анықталса, тез арада банк бөлімшесіне барып арыздану керек. Банк қызметкерлерінің ешқашан бірінші болып карта туралы ақпарат сұрауға құқығы жоқ. Егер алаяқ сіз туралы көп мағлұмат білетін болса, сіздің атыңыздан товар алып, жаңа шоттар ашып, несие алуы да мүмкін», - деді департамент қызметкерлері.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT