07:23, 11 Қараша 2019 | GMT +6
Бангладештегі циклоннан 13 адам қаза тапты
БАНГЛАДЕШ. ТАСС-ҚазАқпарат – Жексенбі күні Бангладеш жағалауын шарпыған «Бульбуль» циклоны кем дегенде 13 адамның өмірін жалмады, деп хабарлайды ҚазАқпарат ТАСС агенттігіне сілтеме жасап.
Бұған дейін агенттік 6 адамның мерт болғып, 30 адам зардап шеккенін және 36 тұрғын із-түзсіз кеткенін хабарлаған еді. Бангладеш билігі жағдайда бақылауға алғанын мәлім етті.
«Жағдайды тұрақтандыру үшін екі күн уақыт керек», - деп мәлім етті елдің төтенше жағдайлар министрлігінен.
Үкіметтің бастамасымен жағалауда тұратын 2 млн жуық адам эвакуацияланып, уақытша баспанаға жайғасты. Циклон 6 мыңнан астам үйдің тас-талқанын шығарды. «Бульбуль» циклоны елдің бүкіл жағалаулы аймақтарын қамтыды, сөйтіп батыстағы Үндістанның Батыс Бенгалия және Одиша провинцияларына қарай бет алды. Циклон өзімен бірге нөсер жаңбыр мен екпіні секундына 28-33 метрге дейін күшейетін қатты желді ала келеді.
Фото: Getty Images