Бала тәрбиесі туралы #ДанаМенБала атты кітап жарыққа шығады

НҰР-СҰЛТАН. ҚазАқпарат - Заманауи отандық кітап қоры тағы бір тамаша туындымен толықпақ. Журналист, қоғам қайраткері, продюсер және DBA Дана Орманбаева бала тәрбиесі туралы #ДанáМенБала атты кітабын жарыққа шығарады, деп хабарлайды ҚазАқпарат.
#ДАНÁМЕНБАЛА – Дана Орманбаеваның 2018 жылы #МЫНЕРУГАЕМДЕТЕЙ деген атпен таралған бесінші публицистикалық еңбегі. Ол екі жылда оқырман жүрегін жаулап, бала тәрбиесі туралы ізденушілердің сүйікті туындысына айналып, отандық кітап сатылымының үздігі атанды. Бұл кітап Дананың алғашқы үш кітабы сияқты self-менеджмент тақырыбын, төртінші кітабы сияқты сенім феномені тақырыбын қозғамайды. Тұтастай бала тәрбиесі мәселелеріне арналған.
Біз балаларымызды дұрыс тәрбиелеп жатырмыз ба? Олар лайықты азамат болып өсуі үшін әке-шеше нені білуі керек? Тәрбиеде ең маңызды мәселе қандай? Бала тәртіпті болу керек пе, бақытты болу керек пе? Оның бақытты болуына әке-шеше қалай әсер ете алады? Осы сұрақтардың бәрі кез келген саналы ата-ананы толғандырады.
Автордың пікірінше, үлкендердің бала тәрбиесі туралы осы уақытқа дейін білгендері ескірді, іске жарамай қалды, сәннен де шықты, ең қиыны дұрыс нәтиже бере алмай жатыр. Ал қазіргі «зета» - жаңа буын ұрпақтарына тәрбие беруде инновация керек.
Осы орайда автор өзінің 25 жылдық белсенді және саналы аналық тәжірибесімен өзіне тән мәрттікпен, кеңдікпен бөліседі. Автор #ДАНÁМЕНБАЛА кітабында ұсынған қарым-қатынас технологиялары, өзара сенім мен төзімнің модельдері шынымен таң қалдырады. Үш ұл, бір қыздың анасы Дана Орманбаева тәрбие жүйесін жаңа уақыт талаптарына сай қалыптастырған. Бұл білімнің тіпті болашақ буынға да тиімді болары анық. Өйткені бақытты ата-ана болу үшін махаббат пен төзім ғана емес, сонымен қатар білім де қажет.
#ДАНÁМЕНБАЛА - ғылыми әдебиет емес, ол түйгені мол ананың өмір тәжірибесінен алынған. Жалаң сөздер емес, ғылыми негізделген туынды. Автордың бала тәрбиесіне деген жауапкершілігі кітаптың құндылығын, оған деген сенімді арттыра түседі.
- Әкімдіктер қоғамдық тұрақтылықты сақтауға барынша мүдделі болуы керек – Жеміс Тұрмағамбетова
- ХҚО ақпараттық жүйесі кідіріспен жұмыс істеп тұр
- Қазақстанда наурыздан бастап теміржол билеттері қымбаттайды
- Көлік полицейлері жолаушылардың мазасын алған жүргізушілерді жауапқа тартып жатыр
-
«Астана Балет» сахнасында Мариин театрының солистері өнер көрсетеді
-
Димаш АҚШ президентін ұлықтау апталығының ашылу салтанатында ән шырқады
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам