+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

Бақыт Сұлтанов карантин жоқ аймақтардағы сауда орындарының жұмысы туралы түсінік берді

2020 жылғы 23 наурыз 21:44
Бөлісіңіз:
Бақыт Сұлтанов карантин жоқ аймақтардағы сауда орындарының жұмысы туралы түсінік берді

НҰР-СҰЛТАН. ҚазАқпарат – Қазақстанда карантин жоқ аумақтарда ірі сауда объектілерінің қызметі тоқтатылмайды. Бұл туралы ҚР Сауда және интеграция министрі Бақыт Сұлтанов Facebook-тегі парақшасында жазды, деп хабарлайды ҚазАқпарат.

Ұқсас жаңалықтар
Шымкентте коронавируспен тіркелгендер жайлы соңғы ақпарат жарияланды БҚО-да карантин режімін бұзған тұрғын қамауға алынды Елімізде 21 адам коронавирус жұқтырды: Жалпы 423 адам індетке шалдыққан

Сөз басында Сауда және интеграция министрі Алматы мен Нұр-Сұлтан қалаларында бұл талап сақталатынын атап өтті.

«Нұр-Сұлтан және Алматы қалаларындағы сауда нысандары әкімдіктердің жедел штабтары шешкендей, карантиннің ағымдағы режимінде жұмыс істейтін болады» деп жазды министр.

Ол, сондай-ақ, карантиннің қолданылған қатаң шаралары (Нұр-Сұлтан және Алматы қалаларының жабылуы, елге келетін барлық адамдарды бақылау) нәтиже беретіндігін ескергенін, санитарлық бақылаудың күшеюі коронавирустың таралуының өсуін тежеуге мүмкіндік беретінін, ауру тек шет елдерден келген азаматтарда және олармен байланысқан тұлғаларда ғана расталғанын атап өтті.

«Осыған байланысты, санитарлық-эпидемиологиялық және медициналық қызметтер барлық ықтимал тәуекелдерді жедел анықтайды және бұғаттайды, біз карантин жоқ аумақтарда ірі сауда объектілерінің қызметін тоқтатпауға шешім қабылдадық. Бұл сауда объектілерінің қызметкерлеріне келушілер ағынының күрт азаюы жағдайында шектеулі болса да, жұмыс істеуге және өз отбасыларын қамтамасыз етуге мүмкіндік береді», - дейді Бақыт Сұлтанов.

Министр Төтенше жағдай режимін қамтамасыз ету жөніндегі мемлекеттік комиссияның бүгінгі кеңейтілген отырысында еліміздің Президенті Қасым-Жомарт Тоқаев мемлекеттік органдарға бірқатар тапсырмалар бергенін айтты. Оның негізгі лейтмотиві – қатаң оқшаулау шаралары мен кәсіпкерлер мен халықты ауқымды қолдау арасындағы тепе-теңдік, оның ішінде вирустың таралуына қауіп төндірмейтін жерлерде жұмыс орындарын сақтау.

«Бұл ретте, базарлар, дүкендер мен дәріханаларда күшейтілген санитарлық және дезинфекциялық шаралар бойынша енгізілген талаптарды тағы да атап өтемін. Мемлекет басшысы, сондай-ақ, әкімдіктерге коммуналдық техниканы, базарлар мен іргелес жатқан аумақтарға ерекше назар аудара отырып, дезинфекциялауға қайта бейіндеуді тапсырды. Барлық персонал бетперде мен қолғаптарда жұмыс істеуі тиіс. Әрбір 3 сағат сайын арнайы дезинфекциялық құралдармен барлық беттерді (едендер, үстелдер, орындықтар, лифтілер және т.б.) өңдеу қажет. Қолды өңдеу үшін санитайзерлерді орнату тиіс», - деді ол.

Айта кетейік, сауда және қызмет көрсету нысандарының жұмыс істеуіне қойылатын талаптардың толық тізімін Сауда және интеграция министрлігінің немесе Денсаулық сақтау министрлігінің сайтынан көруге болады.


Біздің каналымызға жазылыңыз:

Бөлісіңіз:

Автор:

Ербол Жанат

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT