17:43, 11 Қараша 2019 | GMT +6
Баку университетінде Абайға арналған кеш өтті
БАКУ. ҚазАқпарат – Баку мемлекеттік университетінде ұлы Абайдың шығармашылығына арналған іс-шара өтті, деп хабарлайды «ҚазАқпарат» ХАА тілшісі.
Бақу мемлекеттік университеті жанында ашылған Абай орталығының бастамасымен журналистика факультетінде ақын, философ, композитор, ағартушы, ойшыл, қоғам қайраткері, қазақ жазба әдебиетінің негізін қалаушы Абайдың шығармашылығына арналған кеш өтті.
Ұлы ақынның 175 жылдығына арналған іс-шара журналистика және филология факультетінің барлық білім алушылары үшін міндетті болып табылатын «Түркі халықтарының әдебиеті» курсы бойынша студенттердің білімін жетілдіруге бағытталған.
Абай өлеңдерін оқумен басталған кеш, оның «Қара сөздері» бойынша пікірталастармен жалғасты.
