+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

БАӘ-мен келісім жаңа жұмыс орындарын құруға ықпал етеді - Жамбыл Ахметбеков

2021 жылғы 27 қазан 16:58
Бөлісіңіз:
БАӘ-мен келісім жаңа жұмыс орындарын құруға ықпал етеді - Жамбыл Ахметбеков

НҰР-СҰЛТАН. ҚазАқпарат - Мәжіліс депутаты Жамбыл Ахметбеков Біріккен Араб Әмірліктерімен инвестициялық ынтымақтастықты дамыту біздің елімізге тиімді екенін айтты, деп хабарлайды ҚазАқпарат.

Оның пайымынша, бұл бағыттағы қадамдар жаңа кәсіпорындардың ашылуына, озық технологияларды енгізуге және жаңа жұмыс орындарын құруға ықпал етпек.

Депутаттың сөзіне қарағанда, инвестициялар шикізат салаларына салынбайды. Атап айтқанда, елімізде жаңартылатын энергетиканы дамытумен айналысатын энергетикалық холдинг құру көзделіп отыр.

Ж. Ахметбеков атап өткендей, бүкіл әлемде «жасыл өткел» деп аталатын және экологияның жай-күйіне алаңдайтын елдер жаңартылатын отын үшін көмірсутектерден бас тартуда. Күн, жел электр станцияларының көбеюі біздің елдің бәсекелестік артықшылығы бола алады.

«Жалпы, бұл инвестициялық келісім отандық бизнесті дамыту үшін жағдайды айтарлықтай жақсартады және Қазақстанның инвестициялық тартымдылығын арттырады деп айтуға болады», - деді депутат.

Айта кетейік, ҚР Экология, геология және табиғи ресурстар министрі Серікқали Брекешев энергетика саласына жаңа инвестициялар қажет екенін айтты.



Біздің каналымызға жазылыңыз:

Бөлісіңіз:

Автор:

Руслан Ғаббасов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT