+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Азық-түлік тауарлары үшін ҚҚС мөлшерлемесі 8 пайызға дейін төмендетілді

2020 жылғы 2 сәуір 09:22
Бөлісіңіз:
Азық-түлік тауарлары үшін ҚҚС мөлшерлемесі 8 пайызға дейін төмендетілді

НҰР-СҰЛТАН. ҚазАқпарат - Әлеуметтік маңызы бар азық-түлік тауарлары үшін қосылған құн салығының мөлшерлемесі 1 қазанға дейінгі кезеңге 12-ден 8 пайызға дейін төмендетілді. Бұл туралы Үкімет отырысында Ұлттық экономика министрі Руслан Дәленов айтты, деп хабарлайды ҚазАқпарат тілшісі.

«Түзетілген макроэкономикалық болжамның негізінде 2020 жылға арналған республикалық бюджет параметрлері болжамы нақтыланды. Республикалық бюджеттің кірістері трансферттерді есепке алмағанда 2020 жылы 6,4 трлн теңге көлемінде бағалануда. Бұл бекітілген жоспарға қарағанда 1,7 трлн теңгеге аз. Негізгі төмендеу қосылған құн салығы, шикі мұнайға экспорттық кеден бажы және табиғи ресурстарды пайдаланғаны үшін түсетін түсімдер бойынша күтілуде», - деді министр.

Оның атап өтуінше, Мемлекет басшысының тапсырмасын іске асыру үшін қабылданған салықтық ынталандыру мен жеңілдіктер бойынша барлық шаралар бюджеттің кіріс бөлігінде ескерілді. Ірі сауда нысандары, сауда ойын-сауық орталықтары, кинозалдар, театрлар, көрмелер, қоғамдық тамақтандыру, қонақ үй, хостел және туристік қызмет нысандары жылдың соңына дейін мүлік салығынан босатылды. Салық салудың жалпы белгіленген тәртібінде жұмыс істейтін жеке кәсіпкерлер жыл соңына дейінгі мерзімде жеке табыс салығынан босатылып отыр. Агроөнеркәсіптік кешенді қолдау мақсатында ауыл шаруашылығы өнімдерін өндірушілер ауыл шаруашылығы мақсатындағы жер бойынша жер салығын жылдың соңына дейін төлемейді. Сондай-ақ, биологиялық активтерінің импорты жылдың соңына дейін қосылған құн салығынан босатылды.

«Сонымен қатар, әлеуметтік маңызы бар азық-түлік тауарлары үшін қосылған құн салығының мөлшерлемесі осы жылғы 30 наурыздан 1 қазанға дейінгі кезеңге 12-ден 8 пайызға дейін төмендетілді», - деді Руслан Дәленов.


Біздің каналымызға жазылыңыз:

Басты сөздер: ҚР Үкіметі, Қоғам, Азық-түлік,
Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT