Айжан Есмағамбетова: Коронавирусты анықтайтын қазақстандық тест дайын

None
None
НҰР-СҰЛТАН. ҚазАқпарат - Коронавируспен ауырғандарды емдеу және олармен байланыста болғандарды оқшаулау мақсатында республика бойынша 33 мыңнан астам орын қарастырылған. Бұл туралы ҚР бас мемлекеттік санитар дәрігері Айжан Есмағамбетова ҚР Денсаулық сақтау министрлігінің медиа орталығында өткен тікелей эфирде айтты, деп хабарлайды ҚазАқпарат тілшісі.

«Коронавирусты анықтайтын қазақстандық тест жасалды. Олар шығаруға да дайын, алайда оның ерекшелігін анықтамай жатып көп мөлшерде шығаруды мақсат етіп отырған жоқпыз. Қазіргі кезде оның сапасын анықтау жұмысы жүргізіліп жатыр», - дейді ҚР Бас мемлекеттік санитар дәрігері Айжан Есмағамбетова.

Оның айтуынша, төтенше жағдай режимі аяқталғанмен, карантин шаралары жүргізіле береді.

«Бастысы - арақашықтық пен гигиена сақтау керек. Коронавируспен ауырғандарды емдеу және олармен байланыста болғандарды оқшаулау мақсатында республика бойынша 33 мыңнан астам орын қарастырылған. Оның ішінде науқас адамдар үшін - 6 мыңға жуық орын, ауруға күдіктілерді жатқызу үшін - 8 мыңға жуық провизорлық орын және 20 мың карантиндік орын бөлінді», - дейді ол.

Еске сала кетейік, біз бұған дейін қазақстандық мамандар ай сайын коронавирусты анықтайтын 50 мың тест жасауға қауқарлы екенін жазған болатынбыз.


Соңғы жаңалықтар