14:21, 16 Шілде 2017 | GMT +6
Ауыр салмақтағы экс-чемпион Головкинді үздік P4P-боксшысы деп атады
АСТАНА. ҚазАқпарат - IBF тұжырымы бойынша бірінші ауыр салмақтағы бұрынғы әлем чемпионы Гленн Маккрори (30-8-1, 12 КО) қазақстандық Геннадий Головкин (37-0, 33 КО) туралы пікірімен бөлісті, деп хабарлайды Sports.kz.
«Қазір ең үздік P4P-боксшысы кім? Әрине, GGG. Ол бұрынғыша ең үздік былғары қолғап шебері және ол «Канелоны» жеңеді», - деп жазды Маккрори Твиттерде.
Айта кетейік, Головкин-Альварес жекпе-жегі 16 қыркүйекте АҚШ-тың Лас-Вегас қаласында өтеді. Қазірдің өзінде барлық билеттер сатылып кеткен. Уақыт айырмашылығына байланысты аталған жекпе-жек Қазақстанда 17 қыркүйек күні таңертең көрсетіледі.