Атыраулықтар 26 млрд теңгенің тегін медициналық көмегін алады

None
None
АТЫРАУ. ҚазАқпарат –Биыл Атырау облысының тұрғындары 26 миллиард теңгенің тегін медициналық көмегін алады, деп хабарлайды ҚазАқпарат.

Бұл туралы «Міндетті медициналық сақтандыру қоры» АҚ Атырау облыстық филиалының директоры Сәбит Құралбек мәлім етті.

«Атырау облыстық денсаулық сақтау басқармасына биыл 39,1 млрд теңге бөлу жоспарланып отыр. Бұл қаржының 26 млрд теңгесі тегін медициналық көмек көрсетуге, ал, 13,1 млрд теңге сақтандыру бойынша емдеу жүргізуге бағытталады. Сондай-ақ, 1,6 млрд теңге науқастарды оңалту және қалпына келтіру үшін бөлініп отыр. Бұрын медицина саласында қаржы қарастырылған мұндай статья болған жоқ. Науқастарды оңалту ісімен денсаулық сақтау саласында келісім жасалған 25 мекеме айналысады» -деді «Міндетті медициналық сақтандыру қоры» АҚ Атырау облыстық филиалының директоры Сәбит Құралбек.


Соңғы жаңалықтар