16:42, 12 Қаңтар 2020 | GMT +6
Атырауда жоғалған екі баланың біреуінің мәйіті табылды
АТЫРАУ. ҚазАқпарат – Атырауда жоғалған балалардың біреуінің денесі табылды, деп хабарлайды ҚазАқпарат.
Өңірдің Төтенше жағдайлар департаменті баспасөз қызметінің хабарлауынша, кеше кешкісін жоғалып кеткен 9 жастағы екі баланы іздеу жұмыстары түнде құрғақта, таңертеңнен бері суда жүргізілді.
Іздеу жұмыстарына 36 адам мен 6 дана техника жұмылдырылған. Балалардың бірінің денесі Редуть ауылының маңындағы каналдардың бірінен табылды. Екінші баланы іздеу жұмыстары жалғасуда.
Осыған дейін Атырауда екі баланың жоғалып кеткенін жазған болатынбыз.
Автор: А. Соколов