Атырауда жалған вакцина паспортын 100 мың теңгеден сатқан медбикелер ұсталды

Облыстық полиция департаменті баспасөз қызметінің мәліметінше, қаладағы емханада жұмыс істейтін екі медбике пациенттердің вакцина алғаны туралы жалған ақпарат енгізіп келген.

«Полиция департаменті мен облыстық прокуратура қызметкерлерінің бірлескен жедел іс-шарасы кезінде 1989 және 1993 жылы туған екі медбике ұсталды. Олар вакцинаның әр компонентіне 50 мың теңге, екі компонент үшін 100 мың теңгені банктік есепшотына аудартып отырған. Ақшасын аударған тұрғындар емханаға келіп, вакцина алмай-ақ вакцина паспортын алып жүрген. Медбикелердің бірі бірі жалған ақпаратты жүйеге енгізгені, екінші медбикенің вакцина сұйықтығын құйтырқы әрекетпен пациентке екпегені анықталды» -деп хабарлады департаменттің баспасөз қызметі.

Қазір екі күдікті медбикеге қатысты ҚР Қылмыстық Кодексінің 206-бабының 1-бөлігімен сотқа дейінгі тергеу басталды.

Еске сала кетелік, бұдан бұрын Атырауда ұсталған медбике жалған вакцина паспортын 10 мың теңгеге сатқанын хабарлаған едік.