Атырауда тұрғын үйдің шатыры өртенді

None
None
АТЫРАУ. ҚазАқпарат – Атырау қаласында тұрғын үйдің шатыры өртеніп кетті, деп хабарлайды ҚазАқпарат.

Облыстық төтенше жағдайлар департаменті баспасөз қызметінің мәліметінше, өрт кеше, 19 қыркүйекте сағат 16:17 шамасында тұтанған.

«Департаменттің диспетчерлік пультіне түскен шақыртумен барған құтқарушылар Атырау қаласының Майлин өткелінде орналасқан жеке иеліктегі тұрғын үйдің шатыры мен кіреберісі толықтай жанғанын анықтады. Жалын сағат 16:48-де оқшауланып, сағат 16:55-те толық сөндірілді. Өртті сөндіруге арнайы қызметтің 18 қызметкері мен 6 техникасы жұмылдырылды» -деп хабарлады департаменттің баспасөз қызметі.

Зардап шеккендер жоқ. Қазір үйдің иесі мен өрттің шығу себебі анықталып жатыр.

Еске сала кетелік, бұдан бұрын Атырауда «Ақжайық» резерватының 1 гектар аумағы өртенгенін хабарлаған едік.



Соңғы жаңалықтар