+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Атырауда отбасылық үлгідегі балалар ауылы салынып жатыр

2020 жылғы 22 қазан 03:30
Бөлісіңіз:
Атырауда отбасылық үлгідегі балалар ауылы салынып жатыр

АТЫРАУ. ҚазАқпарат – Атырау қаласының маңында отбасылық үлгідегі балалар ауылы салынып жатыр, деп хабарлайды ҚазАқпарат.

​«Каспий Құбыр Консорциумы-Қ» АҚ бас директорының орынбасары Қайыргелді Қабылдиннің айтуынша, отбасылық үлгідегі «Шаңырақ» балалар ауылының құрылысы қала маңындағы Талғайран ауылында басталған. Жайық өзенінің жағалауында орналасқан нысан 3 мың гектардан астам аумақты қамтиды. Мұндағы әр үйге 3 жастан 18 жасқа дейінгі 8-9 бала жайғаса алады. Ал 8 үйдің төртеуінде мүгедек балалардың жүріп-тұруына жағдай жасалады.

Балалар ауылын салып жатқан мердігер ұйымның ақпаратына сүйенсек, мәдени-спорт кешені бұқаралық іс-шараларды, жарыстар мен жаттығулар өткізуге мүмкіндік береді. Күн суық кезде де дене шынықтыру сабағын өткізуге болады. Сондай-ақ, жазғы спорт алаңы да бар.

«Құрылыс жұмыстары сапалы болуы тиіс. Бұл – мердігер компанияларға қойылатын басты талап. Өкінішке қарай, пандемияға байланысты пайдалануға беру мерзімі келесі жылға ауыстырылады. Бұл жоба Атырау облысының әкімдігімен арадағы келісім аясында жүзеге асырылуда. Балалар ауылының аумағында медициналық кабинеттер мен арнайы үй-жайлар орналасады. Санитариялық торабы бар дәрігер кабинеті, таңу және егу кабинеті, дәрі-дәрмектерді сақтайтын қойма, ұлдар мен қыздарға арналған изолятор және де санитарлық жағдайдағы оқшаулау бөлмелері бар. Балалардың жайлы өмір сүруі мен оқыту процесін ұйымдастыру үшін тігін цехы, психолог кабинеті, релаксация кабинеті, өзін-өзі тану кабинеті ашылады» -дейді Қайыргелді Қабылдин.

Қазір отбасы үлгісіндегі «Шаңырақ» балалар ауылының ескі ғимаратында 57 тәрбиеленуші тұрады. Енді олар жаңа, жылы, жайлы үйге қоныстанады.




Біздің каналымызға жазылыңыз:

Бөлісіңіз:

Автор:

Бек Мұстафа

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Үмбет Шолпан
Үмбет Шолпан
954-059

MURAǴAT