Атырауда коронавируспен күрес жөніндегі жедел штаб құрылды
Өңірлік коммуникациялар қызметінің мәліметінше, Атырау облысының əкімі Махамбет Досмұхамбетовтің штаб құру туралы арнайы өкімі шыққан.
«Жедел штабтың жұмыс орны болып Атырау облысы Жұмылдыру даярлығы жəне азаматтық қорғау басқармасы белгіленсін. Осы өкімнің орындалуын бақылау жəне жедел
штаб жұмысын қадағалау Атырау облысы əкімінің бірінші орынбасары Нұрлан Таубаевқа жүктелсін» - делінген әкімнің Атырау облысында коронавирус инфекциясына қарсы күрес жөніндегі жедел штаб құру туралы өкімінде.
Жедел штаб құрамына облыс əкімі аппараты басшысының орынбасары, облыс əкімінің əскери қауіпсіздік жəне қорғаныс мəселелері бойынша көмекшісі, облыс əкімінің
кеңесшісі, прокуратура, полиция департаменті, жергілікті басқармалар және тағы басқа
жауапты мамандар карантиндік іс-шараларды қамтамасыз ету үшін тартылған.
Еске сала кетелік, бұдан бұрын Атырауда коронавируспен күрес жөніндегі жедел штаб қайта құрылатынын жазған болатынбыз.