Атырауда есірткі тасымалдаған шетелдік қамауға алынды
Облыстық полиция департаментінің бастығы, полиция полковнигі Қамза Үмбетқалиевтың айтуынша, Өзбекстан Республикасының 32 жастағы азаматы Тараздан арнайы келіп, есірткі тасымалдаған.
«Қарасора-2021» жедел іс-шарасы кезінде ұсталған шетелдіктен 29, жалға алынған үйінен 40 дана түйіншектелген ерекше иісі бар есірткі тәріздес зат табылды. Жасырын есірткі тасымалдаумен айналысып жүрген ер шетелдіктің айтуынша, бұл – «Меф» есірткі өнімдері. Есірткінің жалпы салмағы 19,7531 грамды құрады. Тәркіленген есірткі тәріздес заттар сот сараптамасына жолданды» -дейді Қамза Үмбетқалиев.
Қазір ұсталған Өзбекстан азаматына қатысты ҚР Қылмыстық Кодексінің 296-бабының 4-бөлімімен сотқа дейінгі тергеу жүргізілуде. Күдікті уақытша ұстау изоляторына қамалды.
Еске сала кетелік, бұдан бұрын Атырауда 24 млн теңгенің есірткісін сатпақ болған діни ағым өкілдері ұсталған еді.