Атырауда бас бостандығы шектелген 8 сотталушы түрмеге қамалуы мүмкін

None
None
АТЫРАУ. ҚазАқпарат – Атырау облысында бас бостандығы шектелген 8 сотталушы түрмеге қамалуы мүмкін, деп хабарлайды ҚазАқпарат.

Атырау облысы бойынша қылмыстық-атқару жүйесі департаментіне қарасты пробация қызметі профилактикалық іс-шара өткізіп жатыр. Шараға полиция қызметкерлерімен қатар, пробация қызметінің 33 қызметкері жұмылдырылды.

Пробация қызметінің есебінде тұрған 499 сотталушының мекенжайына тексеру жүргізілген.

«Тексеру кезінде бас бостандығы шектелген 39 сотталушының сот жүктеген міндеттерден жалтарғаны анықталып, оларға ескерту жарияланды. Ал 8 сотталушыға қатысты бас бостандығын шектеу жазасын бас бостандығынан айыруға ауыстыру туралы сотқа ұсыным жолданды», - дейді Атырау облысы бойынша қылмыстық-атқару жүйесі департаменті пробация қызметіне басшылық жасау бөлімшесінің бастығы Нұрлан Қабдолов.


Соңғы жаңалықтар