12:21, 28 Шілде 2021 | GMT +6
Атырауда 12 науқас өкпені жасанды желдету аппаратына қосылған
АТЫРАУ. ҚазАқпарат – Атырауда коронавирус инфекциясын жұқтырған 78 науқас жансақтау бөлімінде жатыр. Оның ішінде 12 пациент өкпені жасанды желдету аппаратына қосылған, деп хабарлайды ҚазАқпарат.
Облыстық денсаулық сақтау басқармасы баспасөз қызметінің ақпаратына қарағанда, 2 922 төсек-орны бар инфекциялық стационарларда 1 420 науқас емделу үшін оқшауланған.
«Өңірдің инфекциялық стационарларындағы жүктеме – 48,6%. Ал, инфекциялық стационарлардың 114 орынға есептелген жансақтау бөлімінде жағдайы ауыр 78 науқас емделіп жатыр. Оның ішінде 12 пациент өкпені жасанды желдету аппаратына қосылған. Жансақтау бөліміндегі жүктеме 68,4%-ды құрап отыр», - деп хабарлады басқарманың баспасөз қызметі.
Еске сала кетелік, бұдан бұрын Атырауда жағдайы ауыр 78 науқас жансақтау бөлімінде жатқанын хабарлаған едік.