+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Атырау облысының кәсіпкерлері той өткізуге рұқсат сұрап отыр

2020 жылғы 27 қазан 01:05
Бөлісіңіз:
Атырау облысының кәсіпкерлері той өткізуге рұқсат сұрап отыр

АТЫРАУ. ҚазАқпарат –Атырауда бірқатар кәсіпкер той өткізуге рұқсат сұрады, деп хабарлайды ҚазАқпарат өңірлік коммуникациялар қызметіне сілтеме жасап.

Ұқсас жаңалықтар
ШҚО-да той-тоймалақ өткізген тұрғындарға айыппұл салынды Шымкентте карантин кезінде тойханада 300 адамға арналған жиын ұйымдастырылған Қостанай облысында карантинге қарамастан той өткізетіндер азаймай тұр


Кәсіпкерлер біріншіден, санитарлық талаптарды сақтай отырып, 50 адамға дейін қатысатын той жасауға рұқсат беруді сұрайды. Екіншіден, тойхананың коммуналдық төлемін төлеуге әкімдіктің көмек көрсеткенін қалайды.

Тойхана иелерімен кездескен облыс әкімінің орынбасары Ержан Әбілхановтың айтуынша, қазір көптеген елде коронавирустың екінші толқыны өтіп жатыр. Ал мемлекет пен облыстық әкімдік тарапынан отандық бизнесті қолдауға көңіл бөлінуде. Алайда, әр азаматтың денсаулығы мен қауіпсіздігі маңызды екенін ұмытпау керек. Қауіпті індеттің қатері ескеріліп, өңірдегі шағын және орта кәсіпкерлік нысандары үшін біртіндеп жеңілдету шаралары қолға алынуда. Тойханалар мен банкет залдарына 50 адамға дейін қатысатын шараларды өткізуге рұқсат беру мәселесі қарастырылып жатыр.

Ал, облыстың бас мемлекеттік санитариялық дәрігерінің уақытша міндетін атқарушы Амантай Жұмағалиев атап өткендей, қауіпті індетті жұқтыру дерегі әлі де тіркеліп жатқанда адамдар шоғырланатын мұндай той-томалақ өткізудің қаупі басым болады.

«Кездесуде айтылған мәселенің бәрін хаттамаға түсірдік. Соған сәйкес, мәселені оң шешу жолдарын қарастырамыз. Әрине, бұл бір күнде шешілетін мәселе емес. Бұрын тойхана иелері ғимараттың жарығына төлем төлеп отырса, енді жылыту маусымы басталды. Олар төлемдері көбейгенін айтады. Сондықтан, олардың ұсынысын ескеріп, карантин кезіндегі талаптарды сақтай отырып, екі жаққа да тиімді тұсын қарастыратын боламыз», - деді облыстық Кәсіпкерлік және индустриялық-инновациялық даму басқармасы басшысының міндетін уақытша атқарушы Абдуахит Әбішев.

Еске салайық, бұған дейін Атырауда тойхана тігін цехына айналғанын жазған едік.


Біздің каналымызға жазылыңыз:

Бөлісіңіз:

Автор:

Бек Мұстафа

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT