12:43, 04 Желтоқсан 2021 | GMT +6
Атырау облысында вакцинаның екі компонентін 230 мыңнан астам адам алды
АТЫРАУ. ҚазАқпарат – Атырау облысында вакцинаның екі компонентін 230 мыңнанастам адам алды, деп хабарлайды ҚазАқпарат.
Облыстық денсаулық сақтау басқармасының баспасөз қызметінен мәлім еткендей, өткен
тәулікте Сovid-19-ға қарсы вакциналардың I компонентін 377 адам салдырған.
«Атырау облысында биылғы 1 ақпаннан бері 250 597 адам коронавирус инфекциясына
қарсы вакциналардың I компонентін ектірді. Вакциналардың II компонентін алған
адамдардың саны 231 143-ті құрап отыр. Сондай-ақ, өңірде 612 адам Pfizer екпесін
салдырды. Оның ішінде 18 жүкті әйел, бала емізетін 312 ана мен 12-18 жасқа дейінгі 282
жасөспірім бар», -деп мәлім етті басқарманың баспасөз қызметінен.
Еске сала кетелік, бұдан бұрын Атырау облысында 300-ден астам адам
ревакцинациялаудан өткенін хабарлаған болатынбыз.