20:13, 27 Шілде 2021 | GMT +6
Атырау облысында вакцина салдырғандар саны 135 мыңнан асты
АТЫРАУ. ҚазАқпарат – Атырау облысында вакцина салдырғандар саны 135 мың адамнан асты, деп хабарлайды ҚазАқпарат.
Облыстық денсаулық сақтау басқармасы баспасөз қызметінің ақпаратына сүйенсек, кеше, 26 шілдеде жергілікті 984 адам «Спутник V», «QazVac» вакциналарының I компонентін алған.
«Биылғы 1 ақпан мен 26 шілде аралығында 135 668 атыраулық коронавирус инфекциясына қарсы вакциналардың I компонентін ектірді. Вакциналардың II компонентін салдырғандар саны 85 834 адамға жетті» -деп хабарлады басқарманың баспасөз қызметі.
Еске сала кетелік, 21 шілдеде Атырау облысында 130 мыңнан астам адам вакцина салдырған еді.