13:03, 06 Желтоқсан 2021 | GMT +6
Атырау облысында Рfizer вакцинасын 776 адам салдырды
АТЫРАУ. ҚазАқпарат – Атырау облысында Рfizer вакцинасын 776 адам салдырды, деп хабарлайды ҚазАқпарат.
Облыстық денсаулық сақтау басқармасының баспасөз қызметінің ақпаратына қарағанда, биылғы 1 ақпаннан бері Covid-19 инфекциясына қарсы вакциналардың I компонентін 251 259 адам алған. Ал, вакциналардың ІІ компонентін 231 848 адам ектірген.
«Атырау облысында қауіпті вирустың таралуын тежеуге ықпал ететін вакциналарды салдыру жалғасып жатыр. Мәселен, 6 желтоқсанға дейін Рfizer салдырған адамдардың саны 776-ға жетті. Оның ішінде бала емізетін 382 ана мен 29 жүкті әйел бар. Сондай-ақ, 12-18 жас аралығында 365 жасөспірім ата-анасының келісімімен аталған вакцинаны салдырды» -деп мәлім етті басқарманың баспасөз қызметінен.
Еске сала кетелік, бұдан бұрын Атырау облысында вакцинаның ІІ компонентін 230 мыңнан астам адам алғанын хабарлап едік.