Атырау облысында коронавирус жұқтырғандар саны күрт төмендеді

None
None
АТЫРАУ. ҚазАқпарат – Атырау облысында коронавирус инфекциясын жұқтырғандарсаны күрт төмендеді, деп хабарлайды ҚазАқпарат.

Облыстық денсаулық сақтау басқармасының баспасөз қызметінен мәлім еткендей, өткен

тәулік – 29 қарашада қауіпті вирусқа 4 адам шалдыққан. Оның ішінде Атырау қаласында –2, Жылыой ауданында орналасқан Теңіз кен орнында – 1, Қызылқоға ауданында 1 науқас анықталып отыр.

«Қазір 108 адам үй жағдайында, 580 орынға арналған инфекциялық стационарларда 111

адам емделіп жатыр. Мұндағы жүктеме 19,1%-ды құрайды. Өңірдегі модульдік

ауруханада – 69, аудандардағы инфекциялық стационарларда – 21, Теңіз кен орнындағы инфекциялық стационарда 21 науқас оқшауланған», - деп мәлім етті басқарманың баспасөз қызметінен.

Сондай-ақ, 58 төсек-орны бар жансақтау бөлімшелерінде жағдайы ауыр 11 пациент ем-дом қабылдап жатыр. Бұл бөлімдегі жүктеме –18,9%. Өкпені жасанды желдету

аппаратына бірде-бір науқас қосылмаған.

Өткен тәулікте коронавирус инфекциясынан 1 адам қайтыс болған.

Еске сала кетелік, бұған дейін «жасыл» аймақтағы Атырау облысында вирус жұқтырған 20 науқастың жағдайы ауыр екенін хабарлаған болатынбыз.


Соңғы жаңалықтар