Атырау облысында карантин шаралары жеңілдеді: жаңа қаулы жарияланды

None
None
НҰР-СҰЛТАН. ҚазАқпарат – Атырау облысының бас мемлекеттік санитарлық дәрігері карантин шектеулері шараларын кезең-кезеңімен жеңілдету жөнінде жаңа қаулы жариялады, деп хабарлайды ҚазАқпарат тілшісі.

Атырау облысының бас мемлекеттік санитарлық дәрігерінің 2021 жылғы 7 наурыздағы №4 қаулысына сәйкес, бірқатар нысанның жұмыс істеуіне рұқсат берілген:

- Халыққа қызмет көрсету орталықтарының жұмысы сағат 09.00-ден 18.00-ге дейін, күшейтілген санитариялық-эпидемияға қарсы шараларды сақтай отырып;

- білім беру шараларын өткізу;

- балаларға арналған түзету кабинеттерінің, білім беру орталықтарының, дамыту орталықтарының, үйірмелердің, балаларға арналған курстардың (15 адамнан аспайтын топтар) алдын ала жазылу бойынша штаттық режимдегі қызметі;

- сауда үйлері мен СОО (павильондар, дүңгіршектер), сауда желілері, азық-түлік және азық-түлікке жатпайтын жабық және ашық базарлардың штаттық режимдегі жұмысы, нысан сыйымдылығынан 30%-дан аспайтын көлемде, бір келушіге 4 шаршы метрден кем емес әлеуметтік қашықтықты, маска режимін және күшейтілген санитарлық-дезинфекциялық режимді қатаң сақтай отырып;

-СПА-орталықтардың, бассейндердің жұмысы сағат 07.00-ден 22.00-ге дейін.

- 2021 жылғы 9 наурыздан бастап, аралас форматта жалпы білім беретін мектептерде – мектепалды сынып оқушылары мен 1-5-сыныптарды қоса алғанда, халықаралық мектептерде – 1-7 сыныптарды қоса алғанда, сыныптардағы бала санын 25 адамнан асырмай оқытуға рұқсат беріледі.

- білім беру мекемесі әкімшілігінің шешімімен сабақтан тыс уақытта 15 адамнан аспайтын топтарда оқушыларды жеке оқыту.

Қаулыға сәйкес, бұқаралық іс-шараларды (мерекелік, ойын-сауық мәдени-бұқаралық шараларды, көрермендермен спорттық шараларды, көрмелерді, корпоративтерді, форумдарды, конференцияларды және отбасылық шараларды (банкеттер, үйлену тойлары, мерейтойлар, еске алу және т.б.), оның ішінде үйде және адамдар көп жиналатын өзге де шараларды өткізуге тыйым салынады.

Еске сала кетейік, өткен тәулікте өңірде коронавирустың 53 жағдайы тіркелген. Қазақстан аймақтарындағы эпидемиологиялық жағдай матрицасына сәйкес, Атырау облысы «сары» аймақта тұр.


Соңғы жаңалықтар