03:00, 02 Шілде 2020 | GMT +6
Атырау облысында 4 мың медицина маманы Covid-19-ды емдеу алгоритмін үйренеді
АТЫРАУ ОБЛЫСЫ. ҚазАқпарат - Атырау облысында 4 мың медицина мамаманы Covid-19-ды емдеу алгоритмін үйренеді, деп хабарлайды ҚазАқпарат.
«Бүгінгі таңда облыста 4 мыңға жуық медицина маманы жұмыс істейді. Бүгінгі таңда олардың барлығы да Covid-19 індеті бойынша, диагностикалау, тиісті мекемеге жолдау, емдеу алгоритмін үйреніп жатыр. Медицина мамандарының басым бөлігі стационарларда коронавируспен күреске жұмылдырылады»,-деді Атырау облыстық денсаулық сақтау басқармасының жетекшісі Нұрлыбек Қабдықапаров.
Ол жыл басынан бері 115 медицина маманының коронавирус жұқтырып, олардың 38-і дәрігер екендігін айтты. Өзгелері кіші және орта деңгейдегі қызмет көрсететін мамандар.
«Олар емделіп шыққан соң қайтадан өздерінің істеріне кіріседі. Яғни олар адам емдеумен айналысады»,-деді Нұрлыбек Қабдықапаров.
Виктор Сутягин