+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Атырау облысында 32 көпбалалы отбасы баспаналы болды

2019 жылғы 8 қараша 20:30
Бөлісіңіз:
Атырау облысында 32 көпбалалы отбасы баспаналы болды

АТЫРАУ. ҚазАқпарат - Атырау облысының Индер ауданының орталығы Индербор кентінде көпбалалы 32 отбасыға «Нұрлы жер» бағдарламасын жүзеге асыру аясында жаңа баспана кілті табыс етілді, деп хабарлайды ҚазАқпарат тілшісі.

Ұқсас жаңалықтар
Маңғыстауда 120 отбасы баспаналы болды Қызылордалық кәсіпкер үшем тәрбиелеп отырған отбасыға пәтер сыйлады Қапшағайда көпбалалы 15 отбасы баспаналы болды

Кенттегі «Болашақ» ықшамауданында жаңадан бой көтерген «Ару Ана» тұрғын үй алабында 32 көпбалалы отбасы жарық та жайлы жаңа үйдің иесі атанды. Ауданы 110 шаршы метрді құрайтын үйлер барлық негізгі қажеттіліктермен қамтылған. Соның бірі - 5 перзенттің анасы Эленора Мухитова.


«Қуанып тұрмын. 6,5 жылдан бері баспана кезегінде тұрдым. Осы уақыт ішінде анамның үйінде де тұрдым, үй жалдап та жүрдім. Бүгін, міне, баспанаға қол жеткізіп, қуанышым қойныма сыймай тұр», – дейді көпбалалы ана.

Батыр аналарға баспана кілтін өз қолымен табыс еткен аудан әкімі Мейірім Қалауидың сөзіне сенсек, ауданда баспана кезегінде тұрған 1218 индерлік бар болса, соның 160-ы - көпбалалы отбасылар.



«Облыс басшы Нұрлан Асқарұлының тікелей қолдауымен Индер ауданында бұрын-соңды болмаған қарқынды жұмыстар атқарылып жатыр. Бұл шара да - сол жұмыстардың жемісі. Жыл соңына дейін осы санаттағы отбасыларға тағы да 21 үй табыстағымыз келіп отыр. Ал, келер жылы осы көпбалалы отбасыларға арналған 80 пәтерлік көп қабатты тұрғын үйді пайдалануға береміз деп отырмыз», - деді аудан әкімі.

Бұдан бөлек, 2020 жылы аудан орталығында баспана қоры 48 пәтерлік 4 көпқабатты үймен толықпақ. Бұл үйлер де кезекте тұрған азаматтарға табысталады.

Оған қоса, бүгін «Ару Ана» тұрғын үй алабы жанынан салынған 80 орындық музыкалық мектеп пайдалануға берілді. Онда осы маңда тұратын 250-ден астам баладан бөлек, Индербордың басқа да өнерпаз жастары домбыра, баян, фортепиано, вокал, хореография үйірмелеріне қатыса алады.




Біздің каналымызға жазылыңыз:

Бөлісіңіз:

Автор:

Абай Абылайұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT