Атырау қаласының әкімі айына қанша жалақы алады

None
None
АТЫРАУ. ҚазАқпарат - Атырау облысының аудан әкімдері мен облыс орталығының әкімі қанша жалақы алатыны белгілі болды, деп хабарлайды ҚазАқпарат аймақтың сыбайлас жемқорлыққа қарсы іс-қимыл департаментіне сілтеме жасап.

19 тамызда Мемлекет басшысы сыбайлас жемқорлыққа қарсы күрес мәселелері жөнінде кеңес өткізіп, мемлекеттік органдардың сыбайлас жемқорлыққа қарсы іс-қимыл бағытындағы жұмыстарына жаңа серпін беру керектігін атап өтті.

Бұл ретте ҚР Сыбайлас жемқорлыққа қарсы іс-қимыл агенттігінің Атырау облысы бойынша департаменті азаматтық қоғаммен сындарлы диалог орнату мақсатында «Antikor.Live» жобасы шеңберінде «Әкімдіктердің ашықтығы « тақырыбында Атырау қаласы әкімі Қайрат Оразбаевтың қатысуымен Facebook парақшада тікелей эфир өткізді.

Эфир барысында Қайрат Құлымұлы қойылған сұрақтарға жауап беріп, кейбір мәселелерді бақылауға алды.

Сонымен қатар, «Сыбайлас жемқорлық біз үшін емес» республикалық акциясы аясында Атырау облысының аудан әкімдері жалақысын жария етті.

Нәтижесінде аудан әкімдері еңбекақысы айына 755 485 теңге екенін көрсетті.

Осы жолы «Жалақыңыз қанша?» деген сұрақ Атырау қаласы әкіміне қойылып, оның 380 000 теңгедей жалақы алатыны белгілі болды.


Соңғы жаңалықтар