Астананың Тұран даңғылында шекті жылдамдық 60 км/сағ дейін төмендетілді
11:03, 08 Қазан 2021
НҰР-СҰЛТАН. ҚазАқпарат - Нұр-Сұлтан қаласының Тұран даңғылында жылдамдық шектеуі өзгертілді, деп хабарлайды ҚазАқпарат.
Бұл жайында қалалық City Transportation Systems компаниясы ресми мәлімет таратты.
Оған сәйкес Тұран даңғылының бойында Керей-Жәнібек хандар көшесінен Ұлы дала даңғылына дейінгі екі бағыттағы учаскеде жылдамдық 80-нен 60 км/сағ дейін төмендетілген.
Жылдамдық шектеуіндегі өзгерістер 2021 жылдың 8 қазанында сағат 00.00-ден басталды.
«Біз елорда тұрғындары мен қонақтарына аса мұқият болуды және Қазақстан Республикасының жол қозғалысы ережелерінің талаптарын басшылыққа ала отырып көлік жүргізуді өтінеміз» деп ескертеді көлік компаниясынан.