Астанада Түркі кеңесінің 7-саммитіне дайындық мәселелері талқыланды
30 қыркүйекте кездескен Бағдад Әміреев мен Мұхтар Тілеуберді алдағы 15 қазанда Баку қаласында өтетін Түркі кеңесінің 7-саммитінің дайындық мәселелерін талқылады.
Кездесуде М.Тілеуберді ТМЫК-тың 7-саммиті барлық мүше мемлекеттердің мүдделеріне қызмет ететін бұл халықаралық ұйымның тарихындағы айрықша оқиға болатынын атап өтті.
«Б.Әміреев пен М.Тілеуберді Өзбекстанның Түркі кеңесіне толыққанды мүше ретінде кіруіне, Мажарстан байқаушы елінде кеңестің Еуропалық офис-өкілдіктің ашылуына, ұйымның экономикалық векторының нығаюына, сондай-ақ оның басқа да халықаралық ұйымдармен ынтымақтастықтың барысына зор қанағаттанушылық білдірді», делінген хабарламада.
ҚР Сыртқы істер министрі Бас хатшыға ұйымға мүше мемлекеттер арасындағы ынтымақтастықты әрі кеңейту жолындағы жұмыстарына сәттілік тілеп, алдағы саммит Түркі кеңесіне мүше елдердің бірлігін одан әрі нығайту жолында маңызды қадам болатынына сенім білдірді.