+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Астанада ММА-дан Қазақстан чемпионаты басталды

2018 жылғы 8 мамыр 17:25
Бөлісіңіз:
Астанада ММА-дан Қазақстан чемпионаты басталды

АСТАНА. ҚазАқпарат - 8 мамырда Астанада ММА-дан ел чемпионы атағын алу үшін барлық өңірлерден 200 спортшы жиналды, деп хабарлайды ҚазАқпарат Қазақстан ММА федерациясының баспасөз қызметіне сілтеме жасап.

Жекпе-жек бес әйелдер мен тоғыз ерлер салмақ санаттары бойынша өтіп жатыр. Қазақстан чемпионатына алғаш рет 16-17 жас аралығындағы жасөспірімдер қатысуда. Бұл жолы жасөспірімдер дәрежесінен 40 спортшы бақ сынауға ниет білдірген.

Атап айтқанда, бәсеке 8-11 мамыр аралығында елордадағы «Қазақстан» спорт сарайында өтеді.

Жарыстың алғашқы күні жасөспірімдердің күш сынауынан басталды. ММА федерациясының бірінші вице-президенті Асылбек Дүйсеновтың айтуынша, жасөспірімдер дәрежесіндегі спортшылардың деңгейі жақсы.

«Бүгін ел чемпионатында алғаш рет жасөспірімдер қатысып жатыр. Олар жасына қарамастан, жақсы жекпе-жек көрсетуде. Көптеген айқастар мерзімінен бұрын бітіп жатыр. Жарыстың алғашқы күнінде-ақ олардың әлеуетінің жоғары екендігін көріп отырмыз», - деді ол.

ММА-дан VI Қазақстан чемпионатының ақтық сайыстары QAZSPORT телеарнасынан тікелей эфирден көрсетіледі.

Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT