11:08, 17 Шілде 2017 | GMT +6
Астанада бір айдың ішінде қонақүйлердегі нөмірлер күрт қымбаттады
АСТАНА. ҚазАқпарат - Елорданың қонақүй бизнесі ЭКСПО-ға келетін туристер легін белсенді түрде пайдалануда. Астанадағы қонақүйлер бағаны бір айдың ішінде 24%-ке көтерген, деп хабарлайды energyprom.kz.
Туристерді күтуші қонақүйлер, отельдер мен басқа да орындар саны жазғы маусымда 19%-ке өссе, нөмірлер саны - 15%-ке артқан.
Маусым айының қорытындысы бойынша, ҚР-ның басқа да ірі қалалары мен мегаполистерінің арасында Астанада қонақүйде тұру құны қатты жоғарылағаны байқалды: мамырда +23,8%, жылдан жылға +26,6%, тәулігіне 12,12 мың теңге. Салыстырмалы түрде, жалпы елдегі бағаның өсуі бір айда +2,1% және бір жылда +4,4%-ті құраған.
Елордадағы бағаның көтерілуі - биыл жазда ҚР-ның туристік магнитіне айналған «ЭКСПО-2017» халықаралық көрмесіне келетіндер легін есепке алғанда, көңілге сыйымды заңдылық. Ал шілде айының басында ЭКСПО-ға миллионыншы келуші тіркелген еді.