19:21, 26 Сәуір 2019 | GMT +6
Астана процесінің келесі отырысы шілдеде өтеді
НҰР-СҰЛТАН. ҚазАқпарат - Сирия бойынша Астана процесінің келесі отырысы осы жылдың шілде айында өтеді, деп хабарлайды ҚазАқпарат тілшісі.
«Кепілгер елдер Сирия бойынша Астана форматындағы Халықаралық кездесудің келесі отырысын 2019 жылдың шілде айында Нұр-Сұлтанда өткізуді шешті», - деді ҚР Сыртқы істер бірінші вице-министрі Мұхтар Тілеуберді елордадағы Астана процесінде кепілгер елдердің бірлескен мәлімдемесін оқи отырып.
Еске сала кетсек, бүгін елордада бүгін Сирия бойынша Астана процесінің 12-ші раунды аяқталды.
Келіссөздердің қорытындысы бойынша кепілгер елдер - Иран, Ресей мен Түркия бірлескен мәлімдеме жасады. Кепілгер елдер Сирияға гуманитарлық көмекті арттыруға шақырып отыр.
Сонымен бірге, кепілгер елдер Сирия аумағындағы террористік ұйымдардың топтарын түпкілікті жоюда серіктестіктің жалғаса беретінін жариялады.