10:25, 27 Ақпан 2020 | GMT +6
«Astana LRT» компаниясының атауы өзгерді
НҰР-СҰЛТАН. ҚазАқпарат - Елордадағы қоғамдық көлікке жауапты «Astana LRT» ЖШС атауы өзгерді, деп хабарлайды ҚазАқпарат тілшісі.
«Әу баста елордадағы халықтың саны 1 миллионға тек 2030 жылы жетеді деп болжанған еді. Алайда өздеріңіз көріп отырғандай, қала тез өсіп келеді. Компанияның жұмысын жандандырып, ребрендинг жүргізіп жатырмыз. Бұдан былай компаниямыздың атауы - City transportation systems, яғни қысқарта айтқанда CTS болмақ», - деді елордада өтіп жатқан көрме-конференция барысында компанияның басқарма төрағасы Бекмырза Игенбердинов.
Айта кетейік, елордада өтіп жатқан көрме-конференцияда компанияның өткен жылғы жұмысы мен алдағы жоспарлары туралы айтылып жатыр.
