Астана күні қарсаңында ақмолалық полицейлер қызметтік көліктерге ие болды
«Арманға айналған Нұр-Сұлтан бүгінгі таңда елдігіміз бен тәуелсіздігіміздің белгісі болып, әлемдік аренада өз орынын таба білді. Бүгінгі таңда Басқала еліміздің экономикалық, саяси, мәдени өмірдің қайнаған ортасына айналып, тәуелсіз мемлекеттің тарихына өз алтын бетін жазып үлгерді. Осындай мереке қарсаңында Сіздердің мінсіз қызметтеріңіз, Отанымыздың мүддесіне деген адалдықтарыңыз үшін тағы да шынайы ризашылығымды білдіремін. Коронавирус пандемиясы кезеңінде азаматтардың денсаулығын, қауіпсіздігі мен əлеуметтік жағдайын қорғауда дәрігерлер сияқты Сіздер де өз денсаулықтарыңызды тəуекелге тігіп, өңірде қауіпті індеттің жайылуын тежеуге елеулі үлестеріңізді қосып келе жатырсыздар. Облысымыздың елді мекендерінің көшелеріндегі тəртіп пен ақмолалықтардың тыныштығы, өз қауіпсіздігіне деген сенімдері тікелей сіздерге байланысты», - деді құттықтау сөзінде Ермек Маржықпаев.
Сонымен қатар аймақ басшысы облыс әкімдігі тарапынан полиция қызметіне жасалып отырған қолдауы олардың жұмыс тиімділігі мен сапасына оң ықпал ететінін атап өтті.
