Асқар Мамин: Береке-бірліктің арқасында алға қойған мақсаттарымызға жеттік

None
None
НҰР-СҰЛТАН: ҚазАқпарат - ҚР Премьер-Министрі Асқар Мамин Қазақстан халқын Алғыс айту күнімен құттықтады, деп хабарлайды ҚазАқпарат үкіметтің ресми сайтына сілтеме жасап.

ҚР Премьер-Министрі Асқар Мамин қазақстандықтарды 1 наурыз – Алғыс айту күнімен құттықтады.

«Қымбатты отандастар, баршаңызды 1 наурыз – Алғыс айту күнімен құттықтаймын! Тұңғыш Президент – Елбасы Нұрсұлтан Әбішұлы Назарбаев белгілеген бұл мереке өзара сенім мен ізгіліктің, мейірімділіктің, сондай-ақ көпұлтты Қазақстан халқының ортақ тарихи мұрасының символына айналды. Біз барлық кезде береке-бірліктің арқасында кез келген сынақтан сүрінбей өтіп, алға қойған мақсаттарымызға қол жеткізе алдық. Қазақстандықтардың қастерлі құндылықтары – ауызбіршілік, толеранттылық пен өзара түсіністік алдағы уақытта да біздің ортақ шаңырағымыз – Қазақстан Республикасын одан әрі дамытуда мызғымас тірегіміз болып қала береді деп сенемін. Қазақстандағы татулық пен келісім үшін, сондай-ақ Отанымыздың өсіп-өркендеуі жолындағы адал еңбектеріңіз үшін шынайы алғыс айтамын! Барлық қазақстандықтарға, әр отбасына зор денсаулық және амандық тілеймін!»,-делінген құттықтауда.


Соңғы жаңалықтар