+7 (701) 759 90 19
USD 420.76 EUR 498.6
RUB 5.6 CNY 62.27
Jańalyqtar

Ашық диалог: 60 ұйымның бірінші басшыларының блогтары іске қосылды

2019 жылғы 27 қараша 11:36
Бөлісіңіз:
Ашық диалог: 60 ұйымның бірінші басшыларының блогтары іске қосылды

НҰР-СҰЛТАН. ҚазАқпарат - Еліміздегі квазимемлекеттік сектор ұйымдарының, яғни ұлттық басқарушы холдингтер, ұлттық компаниялар, акционерлік қоғамдар, жауапкершілігі шектеулі серіктестіктер, мемлекеттік кәсіпорындардың бірінші басшыларының «Ашық үкімет» интернет порталының «Ашық диалог» блог-тұғырнамасында жеке блогтары құрылуда, деп хабарлайды ҚазАқпарат ҚР Ақпарат және қоғамдық даму министрлігінің баспасөз қызметіне сілтеме жасап.

Ұқсас жаңалықтар
Павлодар облысында фермерлер малдың қайда жүргенін смартфон арқылы біледі Премьер-Министр цифрлық технологияларды қолданатын кәсіпорындарды ынталандыру мүмкіндігін пысықтауды тапсырды

Аталған блогтар арқылы тұрғындар квазимемлекеттік сектор ұйымдарының бірінші басшыларына («Квазимемлекеттік сектор ұйымдары» бөлімі) арқылы өздерінің сауалдарын жолдай алады.

Ал, өз кезегінде квазимемлекеттік ұйымдардың бірінші басшылары тұрғындардың өтінішіне ҚР Заңнамасына сәйкес, уақтылы және сапалы жауап беруі тиіс.

Мәселен, бұрындары ұлттық компания басшыларының өзі жетекшілік ететін салада орын алған мәселелер бойынша тұрғындарға және бұқаралық ақпарат құралдарына жауап беруден жалтару фактілері көптеп кездесетін. Олар көбінесе, мемлекеттік органдарға сілтеме жасайтын.

Енді аталған жаңашылдық арқылы ұлттық холдингтер мен компаниялар басшыларының тұрғындар алдындағы жауапкершілігі одан әрі арта түседі.

Естеріңізге сала кетейік, бұрындары «Ашық диалог» порталы арқылы тұрғындар мемлекеттік органдардың басшыларына ғана (министрлер мен әкімдерге) өтініш жолдай алатын.

Бүгінде аталған порталда 60 ұйымның бірінші басшыларының блогтары іске қосылды (мәселен, «Бәйтерек» ұлттық басқарушы холдингі АҚ, «ҚазАгро» ұлттық басқарушы холдингі АҚ, «Қазақстан» РТРК АҚ, «Қазавтожол» ҰК» АҚ, «Ұлттық нейрохирургия орталығы» АҚ және т.б.).

Бұдан бөлек, азаматтар берілген жауаптардың сапасын бағалай алады. Яғни, бұны лайк немесе дизлайк батырмасын басу немесе пікір қалдыру арқылы жүзеге асыруға болады.

Тұтастай алғанда, қалған мемлекеттік органдардың квазимемлекеттік сектор ұйымдарының бірінші басшыларының блогтарын құру бойынша жұмыс ағымдағы жылдың соңына дейін толықтай аяқталатын болады.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT