Асхат Аймағамбетов елшілік өкілдерімен онлайн кездесті
«Жиынға қатысушылар қазақстандық жоғары білім саласын интернационализациялау бойынша халықаралық ынтымақтастық, шетелдік ғалымдарды тарту, академиялық мобильділікті дамыту, «Болашақ» бағдарламасын жаңғырту, алмасу бағдарламаларын дамыту және бірлескен ғылыми зерттеулер жүргізу қатысты мәселелерін талқылады», - делінген ведомствоның баспасөз хабарламасында.
Мәлім етілгендей, министрлік бірлескен ғылыми зерттеулер жүргізу кезінде халықаралық ынтымақтастықты, сондай-ақ студенттер мен оқытушылардың академиялық ұтқырлығын дамыту, жоғары оқу орындарында қос дипломды бағдарламалар ашу, тепе-тең негізде гранттар бөлу және білім туралы құжаттарды тану мәселелерін қамтитын тұжырымдамалар дайындап, 20 келісімшартқа қол қоюға әзірленіп жатыр.
«Алмасу бағдарламасы аясында жыл сайын шетелдік ЖОО-ларда 610-нан астам студент грант бойынша білім алады. Биыл олардың саны – 300-ге жуық. Сонымен қатар қазақстандық жоғары оқу орындарында квота саны да артты, бүгінде 345-ке жуық шетелдік азаматтың Қазақстанда білім алуына болады. Жақын болашақта жақын және алыс шет елдермен ынтымақтастықта болу үшін білім беру саласындағы ауқымы кең мәселелер бойынша 20 келісімге қол қоюды жоспарлап отырмыз», - деді ҚР Білім және ғылым вице-министрі Рүстем Биғари.
Сингапурдағы Қазақстан елшілігінің өкілі Виталий Александров өткен жылы Сингапурдың кәсіби және техникалық білім беру саласындағы ірі оқу орындарының бірімен серіктестік қарым-қатынас орнатылғанын атап өтті. Сингапурлық тараппен қазақстандық колледждердің педагогтеріне біліктілігін арттыруға 115 грант бөлу туралы келісімге келді.
Жиынға Испания, Германиядағы, Италия, Чех Республикасы, Польша, Нидерланды, Франция, Венгрия, Ұлыбритания, Финляндия, Түркия, ҚХР, Корея, Жапония, Катар, Малайзия, Сингапур, БАӘ, Австралия, Ресей Федерациясы, Украина, Өзбекстан, Қырғызстандағы және басқа да елдердегі елшіліктер мен консулдықтардың өкілдері қатысты.
Еске салайық, ҚР Білім және ғылым министрі Асхат Аймағамбетов коронавируске байланысты үйінде оқшаулану режиміне көшіп, қашықтан жұмыс істей бастады.