Аса ірі көлемдегі есірткілерді сақтаған алматылық ұсталды
«Мамыр» ықшам ауданындағы ұсталған азаматтың пәтерін тінту кезінде өзіне тән иісі бар жасыл түсті ұнтақ салынған 74 полиэтилен түйіншек табылды. Сот-химиялық сараптама ның анықтауынша ұнтақ – салмағы 340,1 грамм болатын гашиш есірткісі. Күдікті кінәсін мойындап, уақытша ұстау изоляторына қамалды», – деп атап өтті Алматы қаласының ПД есірткі қылмысына қарсы іс-қимыл басқармасының бастығы Ерлан Әлмағамбетов.
Аталған факті бойынша Қылмыстық кодекстің 297-бабы бойынша сотқа дейінгі тергеу амалы жүргізіліп жатыр. Бұл бапта үш жылдан жеті жылға дейін бас бостандығынан айыру жазасы көзделгенн.
Ведомствода мәліметінше, қара нарықтағы гашиштің 5 грамының бағасы 3 000 теңге. Қазір тергеу амалдары оның тауарды қайдан және қалай алғанын анықтап жатыр.