Арыста «Түркістанның рухани керуені» іс-шарасы өтті
Түркістан облыстық қоғамдық даму басқармасының ұйымдастыруымен өткен шарада «Рухани жаңғыру» бағдарламасы мен дін саласындағы мемлекеттік саясатты жүзеге асыру, діннің асыл құндылықтары мен ұлттық, мәдени салт-дәстүріміз дәріптелді. Тағылымы мол жиынды Арыс қаласы ішкі саясат бөлімінің басшысы Әлібек Айбол Сабырханұлы ашып, жүргізіп отырды. Кездесуге арнайы қатысқан Қазақстан Республикасының еңбек сіңірген спорт шебері, самбодан үш дүркін әлем чемпионы Оспанов Арман Әшімханұлы және Түлкібас ауданының Бас имамы Серік Мағаз Арыс қаласының тұрғындарымен кездесіп, тәрбиелік мәні зор әңгімелермен қатар тарихтар сыр шертетін, патриоттық сезімдерді күшейтетін ерлік, елдік, бірлік туралы айтылды. Теміржолшылар қаласына сапары аясында Қазақстан Республикасының еңбек сіңірген спорт шебері, самбодан үш дүркін әлем чемпионы А.Оспанов Арыстық бокс мектебінің шәкірттерімен кездесіп, жеңіске жету жолдарымен қатар, көп тер төгіп еңбек ету керектігін айтты.