10:50, 01 Қыркүйек 2020 | GMT +6
Арқалық қаласында 5 жасар қыз терезеден құлап көз жұмды
АРҚАЛЫҚ. ҚазАқпарат – Қостанай облысында бір күнде екі бала терезеден құлап кетті, деп хабарлайды ҚазАқпарат.
Ақпаратты облыстық ТЖД баспасөз қызметі таратты. Оқиға 31 тамыз күні болған.
«Сағат 13:30 шамасында Арқалық қаласында Маясов көшесіндегі тұрғын үйдің бесінші қабатынан 2015 жылы туған қыз құлап кетті. Ол терезеге шығып, москит торын ұстап тұрған. Бұл уақытта баланың ата-анасы көрші бөлмеде жүрді. Алған жарақат салдарынан бала қалалық аурухананың жансақтау бөлімінде көз жұмды» делінген ТЖД ақпаратында.
Осы күні Жітіқара қаласындағы шағын аудандардың бірінші 6-қабаттан 2007 жылы туған жасөспірім құлап кеткен.
Ол түрлі дене жарақатымен қалалық ауруханаға жатқызылды.