Архимед Мұхамбетов ресейлік дәрігерлерге алғыс айтты
«Ресей мен Қазақстанды ежелден достық байланыс біріктіруде. Біздің өңір Ресеймен шекаралас, қарым-қатынасымыз өзара тиімді ынтымақтастыққа негізделген. Бір ай бұрын Свердловск және Челябілік медицина мамандары қостанайлық дәрігерлерге арналған видеолекциялар сериясын бастады. Бүгінгі күні 8 дәріс өткізілді. Екі апта бұрын, Мәскеу мэрі Сергей Собянинмен келісім аясында дәрігерлер біздің облысқа келді. Мұның бәрі табысты ынтымақтастықтың тағы бір көрсеткіші. Тек бірге, жалпы күш-жігермен, білімімізді, тәжірибемізді біріктіре отырып, біз бұл ауруды жеңе аламыз»,- деп жазды өңір басшысы әлеуметтік желіде.
Архимед Мұхамбетовтің айтуынша, аймақта эпидемиологиялық жағдайдың тұрақтануы байқалады. Жедел жәрдем шақыртулары екі есе азайып, ауруханалардағы кереует жүктемесі төмендеген.
